Kontrolli i çrregullimeve të ciklit menstrual

Paqëndrueshmëria e ciklit të një gruaje mund të vijë nga shumë shkaqe. Ekzaminimet e gjakut do të zbulojnë çrregullime hormonale, anemi dhe infeksione që mund të ndikojnë në ciklin menstrual të gruas dhe fertilitetin e saj, shpesh herë në një masë të madhe.

Ekzaminimi i përgjithshëm i gjakut, proteina C-reaktive (CRP), hekuri (Fe) feritina (Ferr): përdoret për të vlerësuar mjaftueshmërinë e hekurit tek gratë në moshë riprodhuese. Në rastet e mungesës së rëndë të hekurit, mund të vërehet paqëndrueshmëri e madhe në cikël, madje edhe amenorre për disa kohë.

LH (hormoni luteinizues), FSH (hormoni stimulues i folikulit), estradiol (E2), progesteroni (PRG): hormonet kryesore që rregullojnë ciklin e gruas, përgjegjës për maturimin e vezëve (ovaleve) dhe lidhjen e tyre me placentën.

Prolaktina (PRL): në vlera të larta shoqërohet me sindromën e vezores policistike, një gjendje e cilësuar si një nga arsyet më të rëndësishme të infertilitetit.

Testosteroni, testosteroni i lirë (Testo, freeTesto), DHEA (dehydroepiandrosterone) DHEA-S (dehidroepiandrosterone sulfate), Delta-4 (Androstenedione Delta-4): hormone të njohura si "androgjene", të cilat ndërhyjnë në ciklin normal duke konkurruar me hormonet femërore.

T3 (riiodothyronine), freeT4 (tiroksinë e lirë), TSH (hormoni stimulues i tiroides), anti-TPO (Antitrupa anti-TPO), anti-TG (antitrupa kundër tiroglobulinës): Ekzaminimet e tiroides që kontrollojnë mosfunksionimin e mundshëm të gjëndrës që mund të prishë ciklin menstrual dhe shkaktojnë infertilitet.

CA 125 (tumor marker): markues i neoplazisë ovariane që zbulon endometriozën e mundshme (inflamacion të vezoreve) e cila shoqërohet me infertilitet.

Kulturat (mbjelljet) vaginale : bëhen për bakteret aerobe dhe anaerobe, mykoplazma, ureaplazma, klamidia dhe parazitë që mund të ndikojnë në ciklin menstrual, të cilat mund të shkaktojnë edhe infertilitet nëse nuk kurohen për një kohë të gjatë.

Anti-mullerian hormon (AMH) dhe inhibina B: Ekzaminimi i tyre rekomandohet gjithashtu për gratë mbi 40 vjeç,në mënyrë që të vlerësohet mjaftueshmëria e vezëve të disponueshme për maturim dhe fekondim.

Nuk ka nevojë për ndonjë përgatitje ushqimore dhe as nuk duhet të jeni pa ngrënë para marrjes së gjakut.
Analizat e gjakut bëhen në ditën e 2 - 4 të ciklit menstrual (dita e parë konsiderohet dita e fillimit të menstruacioneve nëse është para orës 20.00 të mbrëmjes, përndryshe dita e nesërme konsiderohet si e para).
Progesteroni (PRG) bëhet në ditën e 21-të.
Kulturat merren në ditën e 10-15 të ciklit menstrual dhe duhet të caktoni një takim.